Riba caminda di Sta. Cruz a sosode un caso peculiar caminda un objeto a sali for di baki di un pickup y causa daño na e vehiculo coriendo su tras den trafico.
Esaki a tuma luga diaranson mainta, den careda di 10:30AM, na momento cu un chauffeur di un Suzuki Swift blanco tabata coriende tras di un pick-up riba caminda di Santa Cruz, ora cu e vehiculo su dilanti den careda, un objeto a sali bula for di e baki y dal den su auto.
For di rotonde di Santa Cruz e chauffeur di e Swift a sigui tras di e pickup. E impacto a causa algun daño, pero e chauffeur di e pick-up a sigui core su ruta.
E chauffeur di e Suzuku Swift a pidi asistencia di polis pa intermedia. Despues di core un poco, a bin termina na un cas na Angochi caminda e vehiculo tabata hinca full den e cura. Ora polis a yega na sitio a papia cu ambos partido envolvi y a check e daño. A trata di haya mas informacion na e sitio mes, pero no a logra.
