Edward Maduro, presidente di SADA a splica cu e mes tin 3 aña den bestuur. Nobo nobo cu el a drenta, esaki a cuminsa unda a favorece tres comerciante cu Douane diariamente pa Vrijmaking di nan containernan. No por a bisa ken a bin cu e beleid. Ken cu por a bin cu e beleid aki, segun Maduro, si ta sincero y kier duna un trato husto na e comerciantenan, no por privilegia tres hende. Si director wak esaki y a bin hay’e mes, e mester trek e liña straight y bisa cu esaki no ta fair. No ta pasobra e comerciante aki ta bin cu un container pa siman, ta castige lage warda y esun cu ta bin cu 10 container, si mag di haya tur dia un ambtenaar. Bo tin cu hinca den balans y no mag privilegia un hende cu automaticamente cu tin un hende pa dia. Tin di compronde cu e comerciantenan aki ta djis sinta warda nan negoshi y mientras cu e otronan tin cu sinta campa na kantoor di douane te ora nan haya un hende. E no ta bon y no ta husto. No ta tratando e comerciantenan riba un liña fair. Esey por duna e chens di cuminsa pensa mas aleu tambe, kico ta pasando. Sa cu tin coleganan pa tuma un pastechi a bay cas pa algun siman. Otronan, haciendo e trabao segun beleid di dienst, tambe a wordo manda cas. A yega un momento pa pensa kico tin eytras cu ta privilegia tres hende. Esey ta algo cu ta bay tira bista riba dje. Esey tambe ta un punto cu por trece un preocupacion bao di e comunidad. Bo no kier pa nan punta dede riba douane y ta privilegia tres comerciante y pensa kico por tin eybao. Tin cu haci cos netjes. Tin cu haci e trabao husto y trata tur hende mesun cos, segun Maduro.
