Despues di un lucha cu a inclui un “walk out” na Aeropuerto, recientemente directiva di Cuerpo di Aduana a dicidi di kita e “frosted glass” na e punto di control di Aduana na yegada na Aeropuerto. E sindicato a keha e tempo aya cu no tin bista riba e pasaheronan y ta topa nan di sorpresa eyden. E keho a bin despues cu a haya pasahero cu arma di candela y municion den maleta.
Inspector di Cuerpo di Aduana a sigura cu e cambio a bin riba peticion di e Duaneronan mes. Na su luga a percura pa mas curso y entrenamiento di defensa propio pa e pasaheronan. Ta teme pa no arma Duaneronan eynan pa evita confrontacion arma entre Duana y pasahero dilanti cantidad di pasahero yegando for di un biahe.
E “frosted glass” tabatin varios meta, entre otro cu pasaheronan no por mira adelanta si tin fila, ken ta e Duanero trahando, si tin hopi hende, etc. Di otro banda e Duanero tampoco tin bista riba ken ta yegando. Pa e pasahero e tabata masha fastioso pasobra bo no sa si bo por “take un chance” y purba pasa cu articulonan nobo cu bo no a declara. Awor si Bo por mira adelanta cuanto chens bo tin, mientras cu e Duanero tambe por cuminsa fiha bo movecion nervioso for di leu caba.
