Diabierna tabata un dia hopi special, vooral pa nos grandinan cu ta e pioneronan, esunnan cu a yuda carga carnaval den su comienso.
Sint Michael Paviljoen, cu ta resorta bou di Stichting Algemeen Bejaardenzorg Aruba (SABA) tambe a celebra carnaval 70 hunto cu nan clientenan. Ivy Goeloe a splica cu e celebracion di Carnaval ta pa e grandinan pasa un rato placentero y gezellig.
Ivy Goeloe, Coordinado di Actividad, a splica cu e prins cu pancho cu e reinanan a pasa un rato masha dushi mes. Famia tambe a bin pa gosa hunto cu nan grandinan. Hasta a manda potret pa exterior pa famia di e grandinan cu ta residencia den exterior, algo cu a haci e famianan masha contento.
Di Afdeling Azaliah a scoge Reina Tavera Prins Simon y Pancho Rigo y tambe di Orkidia, a saca como reina Judith, hunto cu su prins Miguel.
Como sorpresa a corona Gislaine Martha como un reina special, pa ta un persona cu ta cla pa yuda su coleganan. Un dia hopi dushi, unda cu nos grandinan a pasa dun dushi dia.
