Den Rockefellerstraat tin un luga nobo di salon di beyesa. Ta trata di Rubia Hairstudio y dialuna su portanan a habri.
Rubia Balinge, propetario, a splica di tabata traha pa 22 aña p’un salon di beyesa cu a cera. Pero Balinge a dicidi cu e mes ta habri porta di su mesun negoshi. El a indica di no por a laga su clientenan na caya.
Cu hopi miedo el a opta pa habri su mesun negoshi pa sigui brinda servicio na su clientenan cu e tin pa 22 aña. Pa motibo cu e no kier laga su clientenan na caya, el a habri e negoshi aki. Na momento di a tene e apertura, Balinge a expresa cu su emocionnan ta hopi halto y ta hopi bendiciona. Sin e clientenan e no por logra habri Rubia Hairstudio.
Su ruman homber, Dennis Balinge, ta su ‘back bone.’ Den un luna di tempo nan a logra setup e negoshi. El a resulta bon. Balinge ta haya cu e ta bendiciona cu tur su clientenan a siguie. E ta gradici na cada un di nan pa siguie.
Rubia Hairstudio ta situa den Rockefellerstraat #1 unit 7 y pa cualkier informacion por tuma contacto cu Rubia Hairstudio na 742-3146. Nan ta habri di diamars te diasabra desde 9:00 am te cu 6:00 pm. Por tuma contacto cu ne na cualkier momento, pasobra manera su clientenan t’ey p’e, e tambe t’ey pa nan.
