Play Off final HEINEKEN di Aruba Softball Bond dedica na baluartenan Chin Thiel ( q.e.p.d) y e trabuco Wilbert “Wiwi” Maduro a continua riba veld di Dragon Hitters ( X Duracell).
Despues di un exitoso campeonato internacional femenino di WBSC Suramericana ( CONSURSA) cual a tuma lugar riba e mesun veld, Federacion di Softball di Aruba a prepara e tereno mesora pa continua cu Play Off final Masculino AA cual inicialmente tabata para pa motibo di awacero constantemente den October unda veld primordialmente na Pos Chiquito no por a wordo aregla compo cu e no ta wanta mucho awa.
Asina Royal Power Tat Fat Home Depot cu su equipo completo cu diferente caranan hoben e aña aki pasando den e proceso di rehobenese e equipo pero manteniendo esaki competitivo a derota Balashi Premiumun equipo cu a lucha desde A-Klas y a titula campeon den A Klas pa subi double A den transcurso di algun aña a yega pa hunga final di AA. Pues un equipo batayador cu tremendo talento.
Un wega hopi sera unda Royal Power tabata tin e ventaha di 8-7 te den cabez di 5 inning riba dos error costoso di Balashi PremiumRoyal Power ta start un rally anotando 7 careda pa termina cu e speransa di Balashi Premuim. Royal Power 15 careda, 16 hit, 0 error y ta laga 4 coredor den circulacion. Balashi Premium7 careda, 6 hit, 3 error lagando 6 coredor riba base. Royal Power como equipo a bay di 27-16 pa un averahe como equipo di 592.
Balashi a bati como Team 21-6 pa un averahe di 286. Pa Royal Power a destaca na bate Gregory Krosendijk 3-1 cu 2 RBI y 3 careda anota, Pierre Richardson Junior 2-1 cu un doblete, Giandrick Lacle di 4-2 cu 6 RBI incluyendo un grandslam cu un homerun den parke, Jomark Flanegin di 4-2, Guyon Cannister di 1-1, Leander Angela di 2-2 incluyendo un doblete, Aigil Brete di 2-2. Pa Balashi Premiuma luci na plato Sando Geerman di 2-1, Djurwin Croes di 3-2 cu un doblete y 3 RBI, Gianmar Alders 1-1 y Sandrick Geerman di 3-1.
Jair Thompson aunke no riba su mihor anochi ta logra seya e victoria riba su nomber tirando 53 bola, 62 strike pa un total di 115 lansamento, permitiendo 7 caeda limpi propinando 6 strike outs y ta regala 7 base por bola pa un ERA di 9.80. Erick Henriquez di Balashi ta bay cas cu e derota lansando 3 inning y 1 tercio 23 bola, 47 strike pa un total di 70 lansamento permitiendo 4 careda limpi, 1 ponche y ta regala 1 base por bola pa un ERA di 8.40. Ricky Henriquez ta wordo releva pa Jorge Santana Cortina kende ta permiti 7 careda limpi pa un ERA di 29.40.
Cu e resultado aki Royal Power ta pika ariba 2-0 den e serie final di best out of 5 y tin Balashi lomba contra muraya den un situacion cu nan mester gana e proximo pattido pa extende e serie y di otro banda Royal Power cu un victoria e proximo wega lo titula campeon y lo retene esaki desde 2014 esta pa di 5 aña consecutivo. Game Time! Lets Play!
