Criollo Reds a batisa uniform nobo

Diabierna dia 9 di november e hungadonan di Criollo Reds a yega hunto na Boton pa aina batisa nan uniform nobo. Tur hungado presente y invitadonan a pasa un anochi yen di ambiente, unda cu tur hende a disfruta di e delicioso snacks y co’i bebe.

Despues cu e hungadonan a yega, a cuminsa cu e parti di partimento di uniform, unda cu cada hungado tabata orguyoso di nan uniform nobo. Despues cu tur hende a ricibi nan nan uniform, Siriene Boekhoudt tabatin e honor di basha champagne riba e uniform asina batistando esaki. Directiva ta gradici cada hungado cu a traha duro pa asina nan por a logra haya nan uniform nobo.

A funda Criollo Reds dia 1 di april 2001, unda cu nan a hunga nan prome wega na veld di Centro di Bario Brazil durante e campeonato di aña di la Reina. E team ta consisti di 25 hungado, kendenan actualmente ta hungando den liga 40+ pa 10 aña. Awo nan a cuminsa crea un team nobato, kende ta forma p’e yiunan di e hungadonan actual. E team di Criollo Reds ta compitiendo den Copa Navideño 2018, cual torneo ta organisa pa Jong Blood.