Partido RED Democratico a tene nan conferencia di prensa y aki a trece diferente tema, entre otro e preocupacion cu ta biba den pueblo. Un di e temanan tabata riba e parti di costo di bida.
Ricardo Croes, lider di RED Democratico, a splica cu nan ta trece preocupacion di pueblo y n’e momento aki ta e aumento di costo di bida impagabel, awa y coriente, utilidad, cuminda, scarsedad di producto. E sector primario ta indispensabel pa activ’e. RED ta cuestiona dicon gobierno no ta cera acuerdo cu Hulanda den tur negociacion cu tin, entre otro, sostene sector primario.
Asina e partido a trece diferente punto manera corupcion cu ta tumando luga, centenares di caso n’e momentonan aki ta tumando luga den corte, pero diferente otro punto di preocupacion. Ta tende cu turismo a drecha, ta mehora. Pero lider di partido kier sa si comunidad a sinti e diferencia faborabel den cartera? Hopi hende ta acerca nan pa hopi problema, entre otro, scol ta bay habri. Hopi mayor ta confronta cu e gastonan astronomico di uniform, di producto escolar y no tin manera di cumpra esaki.
Croes ta corda cu Rudy Lampe a crea post den su ministerio. Croes ta puntra su mes kico lo a pasa cu esaki, ya cu tin un otro minister y probablemente el a uza esey pa biaha. El a indica cu Lampe a laga diferente cos regla na fabor di e studiantenan.
Pa mas lesa TREMPAN.COM.
