Durante rueda di prensa di partido RED Democratico, a trece diferente tema. Ta mira un minister cu a bisa di ta integro, pero si a laga un amigo cu ta ambtenaar fungi como un chauffeur auxiliar di taxi. RED no ta di acuerdo cu esaki.
Randolf Rene Kock, presidente di RED Democratico, a indica cu su topico tabata uno importante pa motibo cu esaki tabatin di haber cu e preocupacion cu a cuminsa drenta via nan pagina di Facebook. Tambe tin persona a tuma contacto cu nan preocupacion cu ta pasando di nepotismo, di privilegia friends & family dje gobierno actual.
Un grupo di taxista a acerca Kock pa mustra nan malcontento. Esaki tin di haber cu e minister di transporte, desintegracion y nepotismo cu a privilegia su hendenan. Na 2019 a bin un maneho cu pa januari 2020 no ta permiti ningun gelijkgestelde of ambtenaar pa fungi como hulpchauffeur. Pero e minister actual a firma pa un di su amigonan si por fungi como un hulpchauffeur. E persona aki ta den un posicion basta halto y RED tin tur informacion di esaki. Esey a pone cu e partido por a confirma cu esey ta berdad. Door di esey e minister aki ta propaganda di ta integro y no ta voldoet na nepotismo. Pero e mandatario ta bira haci netamente esey.
Awo cu e pais ta den crisis financiero, y el a biaha c’un delegacion completo. E delegacion aki a bay Portugal pa presencia conferencia di algun ora. No a hiba solamente ambtenaar, pero a bay cu hende di sector priva. Por ripara cu e minister aki tampoco ta integro, no ta serio ni sincero con ta haci uzo cu placa di pueblo. Segun Kock, RED kier sa unda ta bay cu gobernante asina, cu a bisa bon cla cu nan no ta nan, pero awo a resulta pio.
Pa mas lesa TREMPAN.COM.
