Periodista cu denuncia publico contra polis y gobierno

3 May, 2021, 1:06 pm

Dia 3 di mei ta un dia masha importante pa libertad di prensa. P’esey riba e dia aki periodista Sharina Henriquez, a haci denuncia publico contra gobierno y polis. Mundialmente por mira cu libertad di prensa ta bou di atake den e periodo despues di COVID cu tur medida tuma pa gobierno.

E medidanan aki ta proteha, pero di otro banda e ta bay mucho leu. El a bisa cu si no tene cuidou, esaki lo bira di berdad un normal nobo. Libertad di prensa ta un pilar di democracia. “E ta hopi importante cu nos no ta bay acepta actonan contra esaki y esaki ta bira algo normal”, el a indica.

Desde aña pasa el a entrega un keho pa motibo cu a deten’e ilegalmente y te ainda polis no a actua riba e keho aki. Henriquez a pidi un afspraak cu altocomisario riba e asunto aki p’asina resolve esaki, pero ainda no a haya esey. Ta importante pa resolve esaki, pasobra ta mira den registro internacional di libertad di prensa, esta e press freedom index di Hulanda a baha di 5 pa 6. Segun e periodista, awo nos ta bou di Costa Rica debi na su detencion. Por a resolve esaki internamente ya cu pa un aña e ta riba e asunto aki. E kier a resolve e asunto aki pa preveni.

E ta puntra ken a scucha esaki, pasobra tin cuater partido importante den loke a sosode aña pasa. E partidonan ta gobierno, polis, Ministerio Publico y Gobierno di Hulanda. E dosnan cu a sinta cu su persona y pidi disculpa tabata Ministerio Publico y Gobierno di Hulanda. E kier pa su strafkaart ta limpi y loke nan a haci contra su persona ta algo ilegal di cual e procurador general a admiti esey. Dia 8 di januari a kita su dato di registro pa loke ta e detencion di aña pasa durante toque de queda. Gobierno Hulandes a sinta cu ne pa motibo cu parlamentarionan Hulandes ta esunnan cu a cuestiona su detencion, pero tambe riba actonan cu ta pasando na Corsou contra libertad di prensa aña pasa.

Awe ta dia internacional di libertad di prensa
Awe riba dia internacional di libertad di prensa Sharina Henriquez cu denuncia publica contragobierno y polis
Posted by 24ora on Monday, May 3, 2021

Esunnan cu falta pa sinta cu su persona ta gobierno di Aruba, cual a cuminsa cu e medidanan y kier hinca cos den cabes cu periodismo no ta asina importante. E toque de queda ta un medida hopi pisa contra libertad di prensa.