Diaranson den oranan tempran di mainta ta yega un melding di un accidente cu a tuma luga riba e caminda di nort. Manera ta conoci, tin trabounan andando den e area ey y a traha caminda di santo como alternativa pa e trafico sigui mobilisa.
E caminda ta lora dilanti di misa y yega te na e hotel un poco mas panort. Eynan un scooter di post, a bay pasa un auto RHD na momento cu e vehiculo aki a bay haci un U-turn riba e pida caminda. E scooter a dal den e auto y e motociclista a cay. E no tabata herida pero si daño material.
E team di Forensyc a atende cu e accidente. Coleganan di e trahado di post a presenta na e sitio pa tuma e material over y sigui distribui esaki.
