Awe Parlamento a aproba unanimamente e presupuesto 2019 di Tourism Product Enhancement Fund (TPEF). Tur Parlamentario den sala a vota na fabor di e presupuesto, aunke cu Raad van Advies a duna Parlamento varios punto di atencion pa cu e presupuesto aki. Asina mes a pone e consehonan di Raad van Advies un banda y a duna Aruba Tourism Authority aprobacion pa ehecuta e presupuesto.
E board actual di TPEF ta consisti di Joe Najjar, Astrid Muller, Mario Arends, Curtis Fraser, Joel Croes, Sjeidy Feliciano y Sharlyze Romano como Project Manager. E board ta responsabel pa maneha e fondo destina pa eleva e producto Aruba, haciendo nos isla mas atractivo y bunita pa turismo.
E fondonan di e presupuesto lo wordo destina den e Boardwalk Malmok Fase 2;
Proyecto artistico Hooiberg; Proyecto Trapi Mangel Halto; Sponsorship Fundacion Stimami Sterilisami; Limpieza den areanan di costa y e Bouynan.
Di otro banda, Raad van Advies ta insisti cu TPEF ta haciendo trabounan cu no ta coresponde na nan. Ta sinti cu varios di trabounan di renobacion y mantencion lo mester ta den man di DOW por ehempel.