Gobierno di Aruba a reuni cu e sindicatonan pa asina nan por ricibi un contesta di e decision pa cortamento den e salario di trahadonan publico, organisacionnan subsidia pa gobierno y pensionadonan. Diferente miembro di sindicatonan a bini hunto pa asina mustra nan sosten na nan sindicato.
Desde cu gobierna a bisa cu lo corta 12.6% di trahadonan publico y 15% di ministernan, conseheronan, parlamentarionan y director di compania estatal, tin sindicato cu no tabata di acuerdo. A papia riba corta tanto porcentahe den e salarionan cuminsando cu e 5% di salario, pero tambe 50% di vakantie uitkering, 50% di najaarspremie, 50% voorjaarspremie.
Miembronan di algun sindicato ta di acuerdo pa entrega pero mester haci tur cos eerlijk pa un y tur. Sindicato di ABV (hospital) ta di pensamento cu nan ta esnan cu lo por entrega ultimo ya cu nan ta den e front line den e lucha contra Coronavirus. E sindicato di pensionadonan, esta OPPA, no ta di acuerdo pa kita for di nan pasobra lo ta kitando casi 16% for di nan. Sindicato di Polis tampoco no ta di acuerdo pa entrega parti di salario, pasobra nan ta first responses y ta expone tanto nan mes como famia.
Miembronan di sindicatonan ta en espera dilanti Bestuurskantoor riba e resultado di e reunion entre Gobierno y sindicatonan. Sindicatonan kier pa Gobierno duna mas di nan, pero tambe pa haci tur cos na un manera husto pa tanto trahadonan y pueblo di Aruba.
