Durante e periodo di Siman Santu polis a sigui ku kòntròlnan dirigí i general na diferente sitio riba nos isla.
Djasabra 31 di mart i djadumingu 1 aprel 2018 a kontrolá tantu na e parti Ost i e parti Wèst:
1. Na e parti Ost(Pariba)di nos isla a kontolá un total di 81 vehíkulo i a parti 30 prosèsverbal pa e siguiente
infrakshonnan:
manehá un vehíkulo sin faha di seguridat 8
manehá un vehíkulo sin reibeweis bálido 4
manehá un vehíkulo sin karchi di kùr 4
manehá un vehíkulo sin seguro bálido 6
manehá un vehíkulo sin number di outo pagá 5
manehá un vehíkulo sin number di outo pegá dilanti 2
manehá un vehíkulo ku glas skur dilanti 1
Sentral di polis a dirigí un patruya na Ronde Klip den e área di Cocori pa motibu di molèster di huma. Na e sitio polis a bin topa ku un kantidat di sushi, sobrá di material di konstrukshon i tayer ku tabata kimando. Brantwer a bin na e sitio i tambe personal di e departamentu di medio ambiente i Domein.
Durante di patruyahe a pone hopi atenshon na e parti preventivo tambe den barionan di Kòrsou.
2. Na e parti Wèst(pabou) di nos isla:
Sentral di polis a dirigí un patruya na Playa Sta. Cruz pa molèster di muzik. Polis a atendé ku un famia riba esaki.
Alrededor di 17.45 or sentral di polis a risibí informashon ku tin un bringamentu na Playa Piskadó na Westpunt i ku tin un hòmber ta sangrando. Na yegada di e promé patruya nan a topa ku un hòmber ansiano tur na sanger. Mas aleu nan a mira algun hòmber sintá den un boto. Testigunan a indiká na e polisnan ku e hòmbernan aki a maltratá tantu e hòmber ansiano komo un dama ansiano, respektivamente di 81 i 78 aña di edat.
Polis a detené e sinku(5) hòmbernan sospechoso ku tabata sintá den e boto:
1. E.A.Z., 41 aña di edat
2. J.A.Z., 36 aña di edat
3. G.O.G.Z., 16 aña di edat
4. J.J.S., 26 aña di edat
5. A.A.J., 19 aña di edat
A presentá e sospechosonan dilanti un Fiskal Ouksiliar ku a ordená nan enkarselashon pendiente mas investigashon.
