E homber aki a bira masha conoci riba rednan social. E ta tambe masha conoci cerca esnan cu ta haci deporte di ciclismo y coremento na pia.
Na mas cu un ocasion el a manda auto of hera dal esnan cu ta practica deporte. Algun siman atras e mesun persona aki tabata banda di Bushiri invitando banda di lama damanan pa actonan sexual. Dialuna atrobe e tabata den noticia. Polis a wordo avisa cu el a dal den un auto intencionalmente na altura di Arashi. Polis a logra pare y a cuminsa un investigacion. Na prome instante kier a laga departamento di trafico bin. Mirando cu ta algo intencional, a pensa cu mihor recherche tuma e caso over. Finalmente a constata cu Polis mas bien a atende fuertemente cune atrobe y core cune for di e area. E doño di e otro auto finalmente no kier a entrega keho. El a bisa Polis despues cu no tabata intencional
Riba rednan social ta conoci totalmente caba. Aparentemente ta warda algo mas serio sosode pa gara e toro na su cacho. Cu otro palabra, ora baca hoga lo atende cune. Un hende asina masha dia mester ta na pia. E coremento cu e pickup blanco y na forma iresponsabel no por sigui. Ademas e forma di bay acerca of expresa su mes cu mensahenan sexual contra damanan banda di lama, ta mas motibo pa atende cune.
