24ora.com tabatin su campaña di Semana Santa 2018, unda cu pueblo di Aruba a like, comment y share pa bira un di e ganadonan di e campaña. E acogida tabata grandi y bon ricibi.
Den e campaña aki tabatin 3 premio di cual e prome premio tabata un long weekend stay pa Semana Santa di dia 29 di Maart – 2 di April y 9.961 a share esaki y mas di 1K di comentario. E di dos premio tabata un “Full Equipped Cooler di Tropical Bottling Co. yena cu cerbes Chill, Grey Goose Vodka, Dewar’s Whisky, Bacardi Superior Rum, Bmbay Sapphire Dry Gin, Coca Cola y Fuze Tea y 3.122 hende a share esaki. E di tres premio tabata un cena completo na Marina Pirata pa 4 persona y 2.372 hende a share esaki.
Dia 27 di Maart 24ora.com a saca e ganadonan di e campaña electronicamente. E ganadonan di LongWeekend Stay tabata Evalyn Henriquez, Marina Pirata tabata Priscella Henriquez y
Cooler Balashi tabata Gino Colina. Diaranson atardi dia 28 di Maart e ganadonan a yega brug di Renaissance pa asina ricibi nan premio for di e crew di 24ora.com.
24ora.com tabata contento di e acogida cu tabatin riba e campaña di Semana Santa y a gradici tur hende cu a participa na esaki. Ta gradici tur sponsor cu a yuda na e campaña aki.
Na Maart 2007, Mark Benson Denz a funda e website 24ora.com como e prome website di noticia na Aruba. Diariamente ta subi mas o menos 20 mil diferente usuario riba e website, cu ta bishita e website por lo menos 4 biaha y ta keda aproximadamente 3 minuut cada biaha. Pa luna, e cantidad di diferente usuario (unique users) ta surpasa 100 mil persona, di cual mayoria ta na Aruba, sigui pa Hulanda, Merca, Corsou, Colombia, Venezuela y otronan.
Den website 24ora.com ta esun mas mira compara cu tur otro. Es mas, 24ora.com ta e website si Aruba mas popular, mientras cu nos Facebook ta esun cu mas “like” y mas “engagement” na Aruba.
Headlines Group ta conta cu un ekipo di mas o menos 20 fotografo, reporteronan y redactornan, cu ta traha 24 ora pa dia pa informa di tur locual ta sosode riba nos isla.
