Resultado di eleccionan na Surnam ainda no ta conoci

Dialuna 25 di Mei 2020 for di 7 or di mainta e urnanan electoral a habri na Surnam. Esaki ta relaciona cu e eleccion di 2020. Mas di 10 partido a participa den e eleccion pero tin hopi cos cu a bay robez. Na promer lugar hopi stembiljet a bay na urnanan incorecto. Tambe debi na Covid 19 e proceso a bay hopi mas poco poco cu normal. Esaki a hasi cu a dicidi di extende e orario di votacion cu dos ora adicional. Asina pa 9 or di anochi a sera tur urna electoral.

Diamars atardi 24ora.com a comunica cu Surnam den un transmision bibo cu Surnam. Aki a bin sali na cla cu ainda Surnam no a keda cla pa conta tur voto. Despues di oranan di trabou a dicidi di para e proceso y pa sigi despues mirando cu hopi di e personanan tatin casi 24 ora lanta.  24ora.com a combersa cu Navin Panday y Stephen Smit di e Stichting Nationaal Waarnemers Instituut (SNWIS). Nan responsabilidad tabata pa controla cu tur cos durante di e votacion a cana bon.

Un total di 80 persona tabata forma parti di nan operacion.

Navin mes ta biba na Aruba pero a keda pega na Surnam debi na Covid 19 y a acepta e invitacion pa yuda e stichting.

Resultadonan di Eleccion na Suriname 2020

Resultadonan di Eleccion na Suriname 2020. Click link pa mas https://24ora.news/2XuE7wI

Posted by 24ora on Tuesday, May 26, 2020

Abase di e resultadonan inoficial y preliminar por mira si cu e partido di e presidente actual Sr. Bouterse a bay hopi atras den voto. Sr. Bouterse ta di e partido NDP. E partido cu ta mustra di lo bay gana ta e partido VHP di Sr Chan Santonkhi.