Pa amantenan di e sabor culinario varia, debi na e exito grandi, a keda dicidi cu ta prolonga e di nuebe edicion di “Restaurant Week”, den cual tin nuebe restaurant participando.
E ofertanan special di e “Restaurant Week” den cual tin nuebe establecimentonan participando, ta sigui te cu diadomingo, 22 di september.
“Restaurant Week” ta un berdadero “treat” pa e amantenan di aventura culinario, kendenan lo por disfruta di e “super deal”nan na restaurantnan fabuloso di Aruba. Tur e restaurantnan ta diferente, cada un unico den su mesun estilo. Tango Argentine Grill, Café the Plaza, Fishes & More, MooMba Beach, Salt & Pepper, Que Pasa, Dragonfly, Nos Clubhuis y Hadicurari ta sigui ta cla pa ricibi e clientenan.
E prijs pa e cena di tres plato, delicioso, ta solamente 45 florin pa persona y esaki no ta posibel ningun caminda. No lubida cu mayoria di e ganashi di Restaurant Week ta bay pa Maris Stella, cas di anciano na Savaneta. Esaki ta un motibo mas pa sali y come afo durante e siman aki cu tin e oferta super special. Haci reservacion pa haya e miho espacio pa sinta disfruta di bo cena. Pa haci reservacion, bay riba www.yummyaruba.com.
