Docentenan di e Facultad di Hospitality and Tourism Management Studies (FHTMS) ta presenta dos estudio den Division 14 na American Psychological Association (APA) Convention 2017. Oranjestad, Aruba – 21 augustus 2017.
Recientemente tres docente actual, Madhu Jadnanansing, Thais Nierop , Jo-Anne Croes y ex-colega Melina Visser (miembro di APA) di FHTMS a bishita Washington, DC pa presenta na e APA Convention. APA ta un organisacion cu ta aspira pa avansa e sciencia di psicologia y ta dividi den diferente seccion. Division 14 ta enfoca ariba e aplicacion di psicologia ariba tur tipo di organisacion y area di trabou, entre otro: “leadership development, staffing, management, teams, and work-life balance.” Den e contexto aki e docentenan a entrega nan estudio y a ricibi e invitacion pa presenta dos poster session na e conferencia di 3 – 6 di augustus ultimo.
Estudio #1- Titulo: National Inquiry into Business Leadership in Aruba. Den a area di Liderazgo, senora drs. Madhu Jadnanansing RA, CHE y senora Thais Nierop-Kappel
MsC, CHE a presenta e resultadonan di un encuesta nacional cu a tuma lugar na 2015 cu tawata e prome estudio di e magnitud aki ariba liderazgo den comercio na Aruba. E meta di e
investigación tawata pa capta loke ta unico di nos isla y loke ta traha den nos contexto nacional specifico, pa yuda informa futuro liderazgo y programanan di desaroyo di talento, cu data (información, cifras) cu ta relevante pa nos communidad for di punto di bista local. E
resultadonan di e encuesta cu a wordo selecta pa presentashon na Washington a hanja e
nomber official di “ Inquiry into Business Leadership in Small Island developing States; How do
leaders self-Identify? The case of Aruba”.
Algun di e resultadonan ta como lo sigiente: di e tipo di liderazgo investiga, esunan cu e respondientenan mas ta identifica nan mes cu ne ta: Transformational, Transactional y Authentic Leadership. Hende masculino y femenino tin e preferencia pa e tres typo di liderazgo comun pero na un nivel mas profundo tin differencia significante. Esaki ta conta pa e diferente generacionan tambe. E caracteristicanan cu e respondientenan ta identifica nan mes mas cu ne ta: e importancia di mantene nan mes na standardnan palabra, crea un ambiente di trabow cu ta inspira confiansa, y yuda otronan pa desaroya nan mes. E resultadonan ta mustra tambe cu aunke nos lidernan den commercio tin un ‘self-perceived effectiveness’ halto , mayoria grandi tin un deseo pa desaroya nan mes mas. E encuesta aki ta e prome den un serie di estudio enfocando ariba desaroyo di liderazgo na nivel local y ta cuminsa cu e identificacion di estilonan coriente di liderazgo y tendencianan na Aruba. Estudio #2- Titulo: Core competencies for the emerging workforce: self-management, leadership, and communication by Jo-Anne Croes, M.A. & Melina Visser, Psy.D Globalmente e mundo di “business” ta transformando rapidamente. Enseñansa, training y abilidadnan cu tabata wordo rekeri anteriormente y considera como tradicional ya no ta suficiente pa ta exitoso. Evidencia ta sugeri cu actualmente no ta e abilidadnan specifico na e profesion ta esunan di mas importante, sino por ehempel e abilidadnan personal yn caracteristicanan manera flexibilidad, adaptabilidad, e abilidad pa resolva problema, y ta inovativo den un ambiente cu ta cambia liher.
Specificamente e asina yama “skills” di:“teamwork, communication, self-motivation, problem-solving, decision-making, planning,organization, and prioritization”. E estudio actual a explora e perspectiva di profesionalnan den e industria di hospitalidad y turismo na Aruba locual ta concerni e abilidadnan y calidnan specifico cu nan ta buska den un supervisor of manager. E estudio a enfoca ariba un variedad di abilidadnan generico (individual) y technico (specifico na e profesion). Resultadonan ta indica cu 1) Self-Management (Positive attitude, Respect for others, Self-development, Time management, Professional appearance and Team building) y 2) Leadership and Communication (Leadership, Problem solving, Efficiency, Adaptability, Self- realization, Results oriented, Effective oral communication, Effective written communication and Decision making) ta e areanan mas importante. A keda demostra cu e abilidadnan generico ta mas importante cu abilidadnan technico segun e perspectiva di e grupo di profesionalnan aki. Tambe e resultadonan a mustra cu profesionalnan den e industria no ta hañando suficiente candidatonan cualifica pa posicionan di supervisor of manager den nan organisacion.
“Actualmente, nos partnernan den e industria ta emplea studiantenan durante nan estudio
(part-time) of durante nan pasantia pa asina sigura e candidato prome cu e gradua. E trend aki combina cu e feedback cu nos ta ricibi for di nos partnernan ta demostra cu e programa ta den liña cu locual e industria ta exigi. E dos estudionan ta duna nos facultad mas bista ariba e areanan cu mester enfoca riba dje pa sigui desaroya y produci suficiente profesionalnan, futuro lidernan, pa cumpli cu e demanda di e industria.” Decano John Wardlaw ta subraya.
Pa informashon tocante e programa di FHTMS por bishita www.ua.aw of www.facebook.com/UA.FHTMS. E Facultad di Hospitality and Tourism Management Studies di
Universidad di Aruba ta reconoce e contribucion unico y strategico di e industria di turismo pa e desaroyo di Aruba y Caribe. E studiantenan ta wordo prepara ariba terenonan pa un carera
profeshonal den diferente ramo.
