Durante e ultimo dia di e bishita real di Reina Maxima na merca, 24ora.com a haya e oportunidad di hacie dos pregunta. E prome pregunta tabata pa por sa con el a haya e echo cu Minister Geoffrey Wever, Minister Dangui Oduber y Minister Cijntje di Corsou tabata hunto cu ne. E otro pregunta tabata con Prinses Amalia ta preparando pa su prome bishita na Aruba oficialmente como Prinses.
Reina Maxima a comparti cu e ta masha contento mes cu Aruba y Curacao tabata hunto cu Hulanda na Merca. Specialmente si mira cu ta trata dos estado hopi importante esta California y Texas. E reina a continua bisando cu hunto e islanan y Hulanda tin hopi pa ofrece. Apart di e momentonan di trabou, Reina Maxima ta mira bek riba e momentonan agradabel tambe hunto cu e delegacion di Aruba y Corsou.
Den comienso di otro aña e famia real incluyendo nan yiu mayor Prinses Amalia lo bishita nos isla di Aruba. Nos tabata kier a haya sa con ta preparando e prinses pa un bishita oficial. Reina Maxima a splica cu e ta sinti cu Prinses Amalia lo ta cla pa esaki mirando cu el a sa di experiencia diferente di e ceremonianan special na Hulanda manera ‘Intrede’, ‘Koniginnedag’ y proximamente ‘Prinsjes Dag’.
