No solamente te dia di awe cu completo aprobacion di Kerkenraad di Oranjestad Ds Stutterheim no kier bandona e cas unda e no tin derecho mas di biba. Aparentemente riba dje tin plan di regale un suma di placa. Increibel pero berdad!
Ademas keto bay e ta predica den kerki di Oranjestad mientras cu su contract a termina fin di juli 2019. Esaki ta sosode for di profundidad di su curazon of ………?
E pregunta ta te na unda e miembronan di Kerki Protestant di Oranjestad por sigui accepta tal forma di proceder di parti di Ds Stutterheim y su Kerkenraad. Ta bira tempo pa haya informacion correcto di loke ta andando den seno di dicho Domi y su Kerkenraad. Y si resulta cu nos informacion ta corecto, e siguiente paso lo ta pa pone un fin na e bagamunderia aki via di nos sistema juridico.
Sucu no ta gaba su mes:
Poco dia pasa Ds Emeritus Stutterheim, e domi di Oranjestad kende a caba di baha cu pensioen, a recorda su jubileo di 10 aña y a organisa un fiesta den Kerki pa celebra esaki.
Ta pa prome biaha den historia di Kerki Protestant di Aruba cu un domi a sinti e necesidad di gaba su mes.
Entre otro Domi van den Doel, DFM, kende tabata domi di Kerki di Oranjestad pa casi 17 aña y Domi Dekker mas cu 20 aña di Kerki di Piedra Plat, nunca a celebra nan jubileo. Tur dos tabata masha dedica na nan trabao y a tuma e cuido pastoral di nan miembronan cu tur seriedad y amor.
Y en berdad nan no tabata tin mester tampoco di haci un fiesta, pasobra un bon dicho na Papiamento ta bisa: Sucu no ta gaba su mes.
