Esaki ta loke durante gobernacion di 2001-2009 a sosode na Aruba. Un pueblo a wordo castiga cu medida y e grupito den gobierno cu nan famia a previligia nan mes grandemente.
E tempo ey pueblo a subi caya. Awe mesun famia bek den gobierno ta castigando e pueblo atrobe. Gastonan di personal y di gobierno ta subi tur dia. Mas y mas famia directo di gobernantenan y sin scol ta haya trabou den gobierno cu salarionan halto. Enemigonan a uni awe pa bira rico y castiga e pueblo den e gobernacion. Presupuesto 2020 no a ser entrega manera mester ta Prome di September 2019.
Esey kiermen cu ta un bon motibo pa gobierno no tuma e Empleadonan Publico haci kens atrobe manera a sosode di 2001 pa 2007 te cu a subi caya. Cosnan cu a pone pueblo y empleadonan publico harta y subi caya. Gobierno di 2001-2009 a tuma e Ambtenaarnan haci. Entre 2001-2005 a freeze e Indexering. Excusa tabata cu cos tabata malo. Despues na 2005-2009 a bisa e Ambtenaarnan cu legalmente nan no tin derecho riba Indexering. Suficiente motibo pa nan subi caya y protesta contra medida y lucha pa indexering. Esaki ta djis un imagen tempo cu a subi caya pa no sigui wanta castigo. Cu e mensahe aki ta spera cu e gobierno y e minister di finanzas no bin cu storianan fofo.
Nan sa bon cu e medidanan pisa a afecta pueblo y Ambtenaarnan. Awor cu ainda no a entrega presupuesto, mester hinca Indexering den e presupuesto 2020. No mas tuma Empleadonan Publico haci kens. Nan ta buscando nan derecho basa riba e perdida di poder di compra pa mal gobernacion. Kiermen corda cumpli cu e ser humano cu ta central. Mescos kier impone medida sin miedo, corda tambe cumpli cu e lema di “Ser Humano Ta Central”. Esaki ta un foto di file unda a subi caya na 2007 y pone ministernan na careda pa porta di patras na Bestuurskantoor.
