Cinco aña pasa riba 9 di juni 2017 a planta e prome simia p’e formacion di e plataforma RAIZ. Como plataforma di profesional ta ancra su mes cu su balornan di integridad, respet pa naturalesa y humanidad, cu e meta pa den un forma positivo crea un cambio di e politica tradicional y den un sistema corumpi.
Diahuebs atardi por a mira varios figura prominente di RAIZ riba caminda ta parti diferente fruta na automobilista. A mira presencia di Minister Geoffrey Wever, Vice-prome minister Ursell Arends hunto cu vice-presidente di parlamento Raymond Kamperveen y tambe parlamentario Misha Raymond entre otro.
Raiz su vision ta uno claro, planes concreto, esfuerso y determinacion, RAIZ a logra kibra door e superficie di tera na momento cu dia 25 di juni 2021, Aruba a habri porta di Cas di Pueblo y Gobierno pa RAIZ.
RAIZ su representacion ta para pa un cambio den forma di evolucion. Exponi na bientonan fuerte, yobida y tempestad, ta retonan, cu ta ser encontra den tur proceso di cambio y e realidad den nos mundo politico.
Unda RAIZ encontra forsa di resistencia, RAIZ lo transforma esaki pa forticia su existencia. Cu e meta pa logra un politica sano, di dialogo, di critica constructivo y di positivismo na bienestar di nos Pais Aruba. Fortificando nos balornan, fortificando nos leynan y nos democracia.
