Un experiencia intimo di bienestar cu ta celebra relahacion, cuido personal y e esencia autentico di Aruba.
Radisson Blu Aruba ta invita residente y bishitante pa tuma un pausa for di e rutina diario y disfruta di un experiencia special di bienestar durante su Wellness Retreat, cu lo tuma luga di 10 te 13 di december 2026.
E experiencia, cu ta consisti di tres anochi, ta ofrece un oportunidad pa laga atras e obligacionnan diario, renoba energia y dedica tempo na bienestar personal den un ambiente trankilo y inspira pa e beyesa natural di nos isla.
Mas cu un escapada tradicional di bienestar, e retiro aki ta pone enfasis riba e esencia autentico di Aruba, mediante actividadnan inspira pa naturalesa, cultura y talento local.
Na centro di e experiencia aki ta e profesional local di bienestar Janine Vallecillos, fundado di NATURA Holistic Aruba. Cu su pasion pa bienestar holistico, mindfulness y conexion personal, e lo guia parti di e experiencia, hunto cu otro profesionalnan local y emprendedonan creativo.
E programa ta inclui actividadnan di movemento consciente, meditacion, un workshop di cuido personal basa riba aloe, hunto cu Aruba Aloe, actividadnan creativo y un ritual special di cacao y movemento cant’i lama.
Un experiencia exclusivo pa un grupo limita
Pa garantisa un ambiente intimo y personal, e Wellness Retreat lo acepta un maximo di solamente 20 participante. Asina, cada huesped tin e oportunidad pa disfruta di e actividadnan na su propio ritmo y dedica tempo na su bienestar.
Pa residente di Aruba, e iniciativa aki ta representa un oportunidad ideal pa desconecta un rato di e rutina diario y disfruta di un escapada refrescante sin mester sali di nos isla.
Cu e iniciativa aki, Radisson Blu Aruba ta sigui fortalece su compromiso pa presenta experiencia autentico di nos isla, apoya emprendedornan local y crea conexion significativo entre hospitalidad, bienestar y comunidad Arubiano.
Fecha-luga y reservacion
E Wellness Retreat lo tuma luga di 10 te 13 di december 2026 na Radisson Blu Aruba, Palm Beach.
E pakete ta cuminsa for di US$1.095 pa persona, y e cantidad di luganan disponibel ta limita na 20 participante.
Pa mas informacion y reservacion, esnan interesa por bishita www.bluaruba.com/wellness-
Un oportunidad pa para, respira y reconecta cu bo mes, mientras bo disfruta di e bienestar y hospitalidad cu Aruba tin pa ofrece.
