Quota Club lo bay tin su siman di kibra silencio den luna di september

Ivy Simon-Hernandez, presidente di Quota International of Aruba, a anuncia cu Quota un biaha mas lo bay tin su siman di kibra silencio.

Quota, hunto cu tres instancia, lo haci test di oido completamente gratis pa nos comunidad di Aruba, durante un siman largo. Dia internacional di sordo ta tur aña riba e di cuater diasabra di luna di september y ta celebra mundialmente. Rason cu ta celebra siman di kibra silencio tur aña den luna di september na Aruba.

Si un mucha nace sordo, esey ta trece cun’e dificultad pa capta idioma y siña papia na un forma natural. Un baby sordo, tambe ta saca stem. Pero dado momento e ta stop.

Quota Club lo bay tin su siman di kibra silencio den luna di september

Quota Club lo bay tin su siman di kibra silencio den luna di september. Click link pa mas https://24ora.tv/2Hn56mB

Posted by 24ora on Thursday, August 22, 2019

P’esey ta importante stimula comunicacion cu e baby sordo, door di papia y uza señanan cun’e, for di momento cu e nace. Desaroyo di idioma di cada ser humano, ta cardinal entre edad di 0 pa 2 aña.

Ey e base di idioma ta keda forma. Ademas ta importante pa un mucha sordo cuminsa scol caba na edad di dos aña y mey pa tres aña, pa e sigui haya guia den su desaroyo di idioma.

Mucha sordo ta reacciona loke nan ta mira rond di nan. Nan ta hopi visual. Ora un sentido di un hende cay afo, den e caso aki e oido, e otro sentidonan ta reemplasa.

Por bisa cu e sentido visual di un mucha sordo ta bira su oido. E aña aki Quota International ta celebra 100 aña y na Aruba ta cumpli 32 aña.

Cuido di oido ta loke Quota ta kere den dje. Durante aña, ta dedica nan mes na diferente area di servicio. Ta trata pa educa e pueblo di Aruba, e importancia di nos oido atrabes di charlanan na scol, specialmente durante Carnaval y durante aña ta duna presentacionnan na luganan cu pidi esey.

E aña aki ta invita pueblo di Aruba un biaha mas, pa tene cuenta, cuminsa registra tempran, pa e test di oido. Keda pendiente pa nan fundraising, cual ta e actividad di mas grandi cu nan tin dia 3 di november.

Chrystal van Nes, Servicio Director di Quota, a splica cu na luna di september e Siman di Kibra Silencio lo tuma luga: Oduber & Kan, FEPO y na SVb San Nicolas. Riba e ultimo dia, 13 di september, nan lo ta organisando e Fun Run cu lo tuma luga den oranan di anochi. E lo ta un Neon Moonlight Fun Walk. E ta cuminsa na Bushiribana y ta bay direccion di Natural Bridge, mas o menos 5 km pa e caminata, y bolbe bek na Bushiribana. Ticket pa aprticipacion ta 5 florin.

Comments

comments