Prome cu aña 2017 a termina, Quota Club Aruba a duna reconocimento na Roraima Boekhoudt kende a cumpli 25 aña como empleada ehemplar na Biblioteca Nacional. Roraima Boekhoudt a traha cu masha dedicacion tur e añanan apesar di tin deficiencia di oido.
Ela drenta servicio di gobierno den e temporada cu sr. Fredis Refunjol tabata minister di Enseñansa. Nos felicitacion ta bay na Roraima Boekhoudt pa ta e persona cu a keda eligi den aña 2017 como trahado ehemplar cu deficiencia di oido. Tambe palabranan di felicitacion, danki y aprecio pa directora di Biblioteca Nacional, sra Astrid Britten, kende tambe a ricibi di Quota Club Aruba un bunita reconocimento como e hefe ehemplar cu a duna tur su cooperacion ultimo añanan pa crea un ambiente ameno pa e trahado cu deficiencia di oido.
