Aruba Airlines pronto lo ranca sali cu su vuelonan. Diabierna den dia a ricibi nan AOC cu lo ta valido te cu 2024. Esey ta un bon noticia pa e compania di aviacion. Ta mira of scucha cierto atake riba rednan social relaciona cu Aruba Airlines. E realidad ta cu e compania ta pendiente pa asina sigui cu su vuelonan.
Nan tin un Airbus A-320 y uno A-321. Nan ta sperando pronto e luna aki otro A-321. Tambe asina cu Canada habri frontera nan lo prepara pa ricibi pilotonan cu ta yega cu e dos avionnan CRJ. Esey ta e jetnan cu Aruba Airlines tabata usando pa asina bula entre e islanan ABC. Tambe e trabounan ta andando pa pronto Aruba Airlines habri e ruta Aruba Medellin y Aruba Baranquilla.
Despues lo cuminsa tambe bula Aruba Cali. Cu e AOC y tambe confirmacion di e rutanan, nifica cu cos lo bay cuminsa normalisa. Si Aruba Airlines diabierna a ricibi su AOC, nifica cu el a pasa henter e proceso di preparacion. Esey ta confirma tambe cu tur informacion cu sa sali pa hinca e compania den lus negativo ta informacion falso. Trabounan lo sigui pa yegada di e avionnan cu falta y pa e vuelonan conoci y rutanan nobo ranca sali.
