Manera cu nan mes a publica tanto den prensa como e medionan social, Prome Minister mr. Evelyn Wever-Croes, hunto cu Minister di Finansa, mr. Xiomara Maduro, a bay Corsou pa atende varios reunion.
Entre nan e tema di Ennia y e interes di e aseguradonan di Ennia na Aruba.
Ta yegando un acuerdo entre Hulanda, Corsou y Sint Maarten na un otro banda riba e tema aki y gobierno di Aruba kier ta sigur cu e interes di e aseguradonan di Aruba tambe lo ta teni na cuenta.
A tene reunion riba e tema aki cual a bay hopi bon. Prome Minister a indica cu e ta hopi contento cu e resultado. E reunion cu prome minister di Corsou tambe a bay bon. A palabra cu e banconan central di Aruba y esun di Corsou y Sint Maarten lo sigui traha riba e trayecto aki p’e preocupacion di e aseguradonan di Aruba ta atendi. N’e momentonan aki no tin problema cu Ennia Aruba, cual ta un entidad hopi stabiel financieramente. Sinembargo kier pa den e acuerdo cu ta cerando cu Hulanda pa tene cuenta cu ne, e prome minister a bisa finalmente.
