Relaciona cu e bishita di e prome minister y e Minister di Finansa di Aruba na Corsou y e publicacionnan den media, ENNIA Aruba kier enfatisa lo siguiente: ENNIA Aruba ta un empresa financiamento saludabel cu un posicion financiero stabiel y solvencia fuerte. Banco Central di Aruba a confirma esaki na varios ocasion. E empresa ta enfatisa cu e interesnan di su clientenan ta bon proteha y garantisa.
Nos ta kier enfatisa cu ENNIA Aruba ta opera den e Grupo ENNIA como un entidad huridico completamente independiente. E desaroyonan reciente relaciona cu ENNIA Corsou y e envolvimento di Gobierno di Corsou y Banco Central di Corsou y Sint Maarten (CBCS) pa yega na un solucion pa ENNIA Corsou, lo no tin consecuencia pa e clientenan di ENNIA Aruba. Nos ta contento i orguyoso cu tanto Banco Central di Aruba como tambe e gobierno di Aruba ta sostene nos pa bira mas envolvi den e plan pa futuro di Grupo ENNIA. E bishita di e prome minister y e minister di Finansa di Aruba na Corsou ta mustra e envolvimento di e gobierno di Aruba den ENNIA Aruba.”
