Awe a tuma luga apertura di Aña Parlamentario nobo, esta aña 2020/2021 y tabata un momento solemne, un momento importante pa comparti cu Parlamento. E momento solemne aki a bay diferente pa motibo di COVID, pero no menos importante.
Prome Minister Evelyn Wever-Croes ta kere cu Parlamento por mira atras riba un aña cu hopi actividad. Parlamentarionan a reeligi Juan Thijsen como presidente y e ta algo hopi bon. E mandatario ta haya cu durante henter aña cu e ta den politica, Aruba no a conoce un bon presidente di Parlamento asina manera Thijsen.
Segun Croes, e ta contento cu esey. E ta trece trankilidad y seriedad cu mester den debatenan. E aña cu tin dilanti, manera Gobernador a trece dilanti, ta bay enfoca door di union y resistencia. “Con fuerte nos ta pa nos bons bek den henter e COVID crisis,” el a expresa. Parlamento tin un rol importante pa hunga aki. E mandatario ta desea tur parlamentario exito den e Aña Parlamentario nobo aki.
