Siman pasa hues a tuma un decision den e caso cu mr. Kathy Paskel a tuma contra di Minister Glenbert Croes, despues cu e mandatario a hal’e un banda como directora di DIMAS pa pone un Management Team na su luga. E sentencia a cay na fabor di mr. Kathy Paskel.
Pero for di e momento ey, Minister Glenbert Croes tabata basta ausente for di e wowo publico. Den un conferencia di prensa di Gobierno, a puntra Prome Minister mr. Evelyn Wever-Croes si por tin algun impasse den Conseho di Minister, pa loke ta trata e posicion di Minister Glenbert Croes, debi na dicho sentencia.
Riba esaki Prome minister a nenga, categoricamente di cu lo por tin un mocion di desconfiansa contra e mandatario cu lo por conduci na su retiro. Pero cu Minister Glenbert Croes tabata den exterior, pa cual e no tabata tin casi contacto cu prensa na Aruba.
Es mas, segun Premier Wever-Croes, su persona a haya e sentencia y den esaki no tin nada cu por indica cu e mandatario encarga cu DIMAS, lo a haci algo malo.
Bo kier sa mas, lesa bo corant digital TREMPAN.
