Prome grupo di becadonan a sali pa Hulanda diamars atardi

Diamars den oranan di atardi, un grupo di 93 hoben a subi avion di KLM rumbo pa Hulanda. Manera ta un tradicion caba den luna di juli, e grupo di hobennan cu a caba nan estudio secundario y cu a scoge pa sigui cu nan estudio avansa, gran parti di nan a biaha pa Hulanda, unda cu nan ta bay trata di finalisa estudio pa asina forma un carera cu lo fiha kico ta nan futuro.

Na aeropuerto por a mira basta mayor presente, tumando despedida sea di nan yiunan. Otronan tumando despedida di nan amigonan, rumannan, etc.
Segun cu por a compronde, e grupo cu ta bayendo pa Hulanda ta parti den dos grupo.

 

Prome grupo di becadonan a sali pa Hulanda diamars atardi

Un parti di e hobennan a biaha diamars den ora di atardi y e siguiente grupo ta biaha diaranson, tambe den oranan di atardi cu KLM.
E gruponan cu a biaha, mayoria a bay Amsterdam y Rotterdam. Ta desea tur esnan cu a bay awe y esnan cu ta bay mañan, tur clase di exito. Lucha y haci un esfuerso grandi pa mañan boso tin un diploma pa asina boso por sirbi boso pais.