Durante tres aña e consul Dominicano a purba di recupera e ruta entre Republica Dominicana y Aruba.
Edward McCollum, responsabel comercial y vocero di e consulado general di Republica Dominicana na Aruba, ta informa cu formalmente e empresa Don Andres lo cuminsa cu su prome barco, yegando Aruba dialuna, dia 10 di februari proximo.
E ta sali for di Republica Dominicana dia 7 di februari y dia 10 e lo ta aki. E ta un tempo record pasobra ta den apenas tres dia.Realmente e barco ta yega diadomingo, pero waf ta cuminsa traha riba e prome barco cu lo drenta cu ta esun di Republica Dominicana riba dialunaTa haci un yamado na e comerciante, importadornan di Aruba, cu si e intencion ta pa mehora prijs di e producto di canasta basico di Aruba, Republica Dominicana, cu e liña maritimo, ta un garantia cu por sinti por lo menos un 30% di disminucion di costo di producto pa loke ta e pueblo di Aruba.McCollum mes como tata, ta acerca un supermercado, ta sinti’e. Cosnan ta hopi caro. A busca diferente opcion, sinembargo e prijsnan ta sigui ta e mesun cos.
Of e ta subi constantemente. Republica Dominicana ta un garantia, el a splica, cu no solamente por haya un producto di e mesun calidad, siendo den un tempo record, ta mucho mas fresco.E cantidad di persona cu a bay na e pais aki, ya conoce y a mira e capacidad cu Republica Dominicana tin di producto pa exporta. RetoMcCollum a sigui splica cu esaki no tabata nada facil. E prome obstaculo tabata e informalidad di e negoshi, cu a maneha cu Venezuela cu un barco informal cu ta bin y ta yega y ta trece fruta y berdura.Aunke e prijsnan tabata hopi bon, e tabata informal. Pero esaki ta un negoshi completamente formal. E comerciantenan ta bin cu nan container den nan barco y a hiba reunionnan durante lunanan largo, cu Don Andres prome cu a cuminsa cu e ruta, for di Puerto de Haino pa Corsou. Ya Corsou ta funcionando manera debe ser y awo ta bay over pa Aruba.
Don Andres ta bay traha cu e tres islanan ABC for di Santo Domingo y e rutanan semper tabata tey.No tabata tin e interes real pa maneha esaki. E crecemento economico di Republica Dominicana ta un demostracion cu si por y ta presenta bon oportunidad pa comerciantenan di Aruba. Hub Camara Santo Domingo 2020McCollum ta menciona adicionalmente cu na maart lo bay tin un evento cual ta Hub Camara Santo Domingo 2020. Pa esnan interesa por tuma contacto cu e consulado, pa probecha e oportunidad no solamente di e barco, pero tambe di e hub, pa cuminsa haci trece su productonan pa Aruba.
ProductonanProme cos ta cu e producto ta prome , manera comestible, fruta, berdura, vegetal. Hopi cos cu ta bin di Merca, e gran mayoria, ta bin Latino America y ta pasa via Florida pa e mercado di nos islanan.
Republica Dominicana tin e condicion cu e liña aki, cu e ruta for di Santo Domingo pa ofrece fruta y berdura fresco. Tin empresanan cu ta importando nan materialnan di construccion tambe di ultimo tecnologia for di Republica Dominicana. Na e mesun modo, Republica Dominicana, den area di tecnologia, ta ofrece uniform, ta ofrece productonan cu ta di consumo masivo, plastic, hopi piesa di auto cu aworaki ta drentando via avion.Awo nan por bin den un container y baha e costonan di e logistica cu e empresa cu ta ofrece e servicio na Aruba. Hopi biaha nan tin un margen di tipo di producto manera piesa di auto, hopi abao, pasobra e costonan lo ta hopi halto.Awo cu e ruta maritimo aki, ta presenta un oportunidad na hopi hende den e area aki y otro areanan di producto cu nan kier trece for Republica Dominicana.Por trece producto pa alimento di bestia for di Republica Dominicana cu ta di bon calidad y e no ta dura hopi pa bin Aruba.
Hopi hende ta bay tienda y cumpra un colchon nobo. Mas di e mita di e colchonnan cu tin aki ta fabrica na Republica Dominicana y di marcanan conoci. Nan por bin directamente na e momentonan aki of bay cerca e distribuidor di e marcanan cu tin na Aruba y tuma contacto cu nan. GobiernoSemper e gobierno di Aruba a duna un apoyo incondicional desde varios aña cu loke ta comunicacion y loke ta promocion y difusion di e hub y e diferente oportunidadnan cu ta presenta na Republica Dominicana, semper via e Departamento di Asuntonan Economico y Camara di Comercio semper a apoya esakinan Na e ocasion aki no lo ta diferente. E apoyo ta eynan. Ya a cuminsa combersacionnan cu miras pa loke ta e hub y entre e gobiernonan di Republica Dominicana y Aruba, lo bay bin combersacionnan, probechando cu tin un ruta maritimo cu ta trahando riba dje y cu lo cuminsa saliendo for di Santo Dominicana dia 7 di februari proximo.
