E unidad Exprodesk di Departamento di Asuntonan Economico, Comercio y Industria ta invita nos profesionalnan di e sector di tecnologia y servicio profesional pa participa na e proyecto di industria cultural y creativo “Tech & Services without Borders 2020”. E proyecto aki lo cuminsa dia 14 di september 2020 pa 9:30am pa 11:00am via Zoom y ta gratis.
E proyecto lo tuma luga den 4 paso y lo ta un oportunidad unico na unda e profesionalnan di e sector di tecnologia y servicio profesional cu participa, lo tin oportunidad pa haya ‘export coaching’ gratis di Lay Hing de Kort-Yee y Frits Israel, ambos ta experto den e areanan aki. Pa por participa na e proyecto, e profesionalnan di e sector di tecnologia y servicio profesional lo mester participa den e prome Webinar gratis y lo haya oportunidad pa participa na henter e proyecto cu tin un balor di mas cu Afl. 8000,-!
Mester registra pa por participa na: [email protected]
Exprodesk a crea y desaroya e proyecto cu e meta pa ekipa nos profesionalnan di e industia creativo cu e conocemento necesario di e ultimo tendencianan clave pa asina nan por exporta nan producto(nan) y/of servicio(nan) haciendo di nan talento y creatividad un negoshi exitoso. Door di esaki e den e prome Webinar lo trata e siguiente topiconan:
Kico ta exportacion y dicon considera exportacion;
o E interes di e consumidor;
o Disposicion di bo negoshi/organisacion
Caracteristicanan cu ta conduci na e exito di exportacion;
E diferencia entre exportacion di productonan y servicionan;
Con mi ta prepara mi mes pa exporta y con mi ta promociona mi mes?
E formanan pa internacionalisa bo online store pa marketing digital;
Nos por exporta nos talento/conocimento?
Unda e oportunidadnan ta?
Con pa mi paketa mi producto y/of servicionan pa exportacion?
Pa mas informacion over di e proyecto “Tech & Services without Borders 2020”, con pa participa of con pa registra, por tuma contacto cu Sharon Meijer via [email protected].
