Studiante di IPA, Danny Tromp a presenta un proyecto p’e alumnonan di 6de klas di scol basico Cristo Rey ta mas consciente riba e tema di droga. El a acerca Fundacion Anti Droga Aruba (FADA) pa haya sosten y asina e muchanan a haya diferente presentacion di diferente ramo di adiccion. E tabata super exitoso. E proyecto aki ta conta pa punto, pero tambe ta pa haci nan mas consciente kico ta adiccion.
Meneer Danny a cuminsa splica e muchanan kico ta adiccion. A parti’e den 2, cu ta gewoon middelen y a duna nan e tarea pa bay busca riba e ramonan di alcohol, droga, tabaco y video gaming. Nan a haci presentacion riba esey y den 3de les nan a haya un tiki mas kico ta e consecuencia mas di cerca di adiccion.
Segun meneeer Danny, el a keda sorprendi pasobra e muchanan tabata sa basta y door di haci esaki nan ta haya sa mas. Nan lo ta mas consciente di kico tin eyfo, ki tipo di adiccion tin y con pa wordo yuda. Y sigur pa acerca instancia FADA cu ta hopi specialisa riba e ramo aki nan cu por duna nan un bon conseho of bon guia di kico por haci si bo ta un adicto.
E presentacionnan a bay hopi bon, tremendo y nechi. Meneer Danny a keda encanta y nan a sorprend’e hopi. “Tur locual nan a bisa sigur bou e guia di FADA, nan a bisa cu tur contesta tabata super bon,” el a sigui bisa.
FADA tabata presente na Colegio Cristo Rey, unda cu nan a ricibi un invitacion di meneer Danny, pa ta presente y presencia e presentacion di e muchanan. Pero tambe pa mira si e informacion treci padilanti ta al caso y tambe yuda nan si mester agrega algun otro informacion. Segun Rish Ann Ammerlaan, trahado preventivo di FADA, el a keda hopi sorprendi mescos cu meneer Danny door di e presentacionnan di e muchanan cu tabata tremendo.
E informacion tabata al caso y e ta haya great cu tur di nan a acerca FADA pa busca informacion, prome cu nan a haci nan presentacion. “E presentacionnan tabata tremendo, tabatin sketch, tabatin diferente forma con nan a trece informacion dilanti”, Rish Ann Ammerlaan a sigui bisa.
PRESENTACION NA SCOL
Varios biaha FADA a presenta na Colegio Cristo Rey, den e mesun klas y cu e mesun docente aki, dunando informacion. Rish Ann Ammerlaan ta mira cu e informacion duna den charlanan aki, e muchanan a uza durante nan presentacion.
