Esnan cu den e dianan aki ta pasa banda di Grot di Lourdes na Seroe Preto San Nicolas por a tuma nota cu tin basta movecion na e lugar.
Ta asina cu e Comishon ” Grot di Lourdes ” hunto cu pastoor Raffy di Parokia di San Nicolas, ta trahando duro pa asina prepara e facilidadnan pa e gran celebracion pa recorda 60 aña e inauguacion di e grot. Esaki lo tuma lugar Dialuna 11 di Feb, 2019. For di dia 2 di February caba e actividadnan lo start sali cu un nobena na honor di La Birgen di Lourdes na misa Sta.Theresita.E celebracion mes di “60 anja di Grot di Lourdes Aruba ” lo ta Dialuna 11 di Febuary, 2019 cu lo cuminsa cu un proseshon saliendo for di misa Sta.Theresita pa 5.30 pm.
E prosesion lo sali for di misa Santa Teresita na San Nicolas drenta e caminda di Seroe Preto y sigui straight te na Grot di Lourdes, cantando y resando e santo rosario na caminda. Pa 6.30 di atardi lo cuminsa un santo sacrificio di misa na Grot di Lourdes unda differente pastoornan di Aruba a keda invita pa ta presente. Despues di misa e pastoornan presente lo ofrese e sacramento di enfermo na esnan cu ta desea esei, pues henter pueblo di Aruba ta keda coordialmente invita pa e gran celebracion aki Dialuna 11 di februari, 2019.
