E incidente cu a sosode siman pasa caminda cu un periodista lo a keda deteni pa motibo di maltrato, sigur ta algo cu no a keda sin comentario.
Den e caso aki, yiu di e pareha di e periodista aki, a bin haci denuncia contra dje contra inmoralidad y tambe pa maltrato. Ta algo hopi grave cual e mucha a bisa tambe. El a haya sa hopi cos cu den ocho aña e no por a papia pasobra como un mucha, e tabata bao di menasa. E no por bay keda wanta tampoco, y ta pesey e ta purba di papia pa mehora e situacion.
No ta prome biaha cu e periodista aki a purba di mishi cun’e, ta su di dos biaha. Pero nunca el a yega na e momento ey. Ora cu no dun’e su kier, e ta bira loco y agresivo. Su ruman di 18 aña si a wordo mishi. Ta pa e motibo ey mes e hoben aki ta bibando cu su tata. Awor aki, door cu e ta keda wak su ruman muhe 14 aña, mirando cu e tin hopi curpa, ta purba di vigile, wak unda e ta, etc. Den tur e añanan aki esaki ta pasando.
Nunca por a haya e chens pa bay polis. E hoben ta preocupa pa su mama. Kier haci un denuncia pasobra e no por keda asina. Ya e periodista a sali. Awo despues di un aña e por mata su mama. E hoben a papia cu su mama, pero e no por move, e homber no ta lag’e biba.
Tin un mucha muhe mas cu el a wordo mishi, pero e tin miedo cu e periodista por bin haci’e algo. E hoben ta hayando ayudo di tanto ruman muhe di e periodista, como tambe mas hende. E ruman muhe di e periodista ta sostene e menor pa haci e denuncia y e ta hopi preocupa.
E ta sostene pasobra mucha ta preto di su wowo y si e bisa cu e ta victima di un situacion, mester tin un rason. El a bin for di exterior pa wak kico ta pasa.
