Den un comunicado di prensa emiti pa Departamento di Meteorologico, ta indica cu segun imagennan di satelite y di radar di awe tardi, ta mustra cu un ola tropical vigoroso cu e area di presion abao, moviendo den e area central di Caribe, a sigui desaroya y bira Depresion Tropical nr. 29.
Depresion nr. 29 tabata situa na 15.0N y 73.2 W of 510 km Zuidoost di Kingston, Jamaica y ta move West cu 24 km/hr.
Effectonan riba condicion local
E humedad laga atras pa e sistema aki cu a bira Depresion Tropical nr. 29 ainda por induci algun awasero compaña pa lamper cu strena den proximo 24 oranan. Rafaganan di biento fuerte por compaña e awasero. Localmente awasero por causa molester debi cu e intensidad por ta modera te fuerte na cierto momento. Una bes e sistema move bay mas West den Caribe nos lo ta completamente for di su influencia.
Potencial di awacero : 10 to 20 mm
Un advertencia special ta bay pa operadornan di boto chikito pa no aventura cerca di awasero of nubianan cu ta produci lamper cu strena ya cu lama lo bira bastante bruto den cercania di esakinan.
