Awe merdia pa 1:20pm a topa cu un patruya di polis, yudando un chauffeur cu problema cu su auto dilanti Wai Fat Supermarket na Matividiri. Cu “jumping cable” a yuda pa start e auto bek. Di e forma aki polis a mustra e otro cara, cu no tur ora ta topa cu ne.
Autoridad hopi biaha ta conoci pa nan cara represivo, den cual ta detene sospechosonan of ta rekeri uzo di man duro pa por aplica ley. Pero, na mes momento, polis tin un rol preventivo y di compasion tambe.
Hopi biaha polis ta haci trabou social, ta duna un man na ancianonan y hopi mas. E foto aki ta ilustra un patruya cu un rato prome a atende un desgracia, riba su caminda pa ward’i polis a topa un auto para cu problema. E chauffeur mes no a spera cu polis lo a baha pa yud’e. El a keda masha contento y a yama nan danki pa nan ayudo.
