Un grupo di manifestante, sinta banda di edificio di Parlamento di Aruba, atrobe a bin den contacto cu husticia. Polis a yega awe pa 1:15am eynan y a detene tur. Ta acusa nan di ta riba caya durante Toque de Queda, pa cual Fiscal ta duna cada un di nan un multa di mil florin.
Despues di nan detencion riba Plaza Henny Eman, a transporta tur pa ward’i polis di Oranjestad. Ey a presenta nan dilanti Fiscal Auxiliar cu a duna nan e multa. Despues di e procedura penal, a laga nan den libertad atrobe.
Esaki ta di dos biaha cu ta detene e grupo aki eynan. Richie Danies a sigura di lo sigui manifesta eynan, aunke tin Toque de Queda.
