Awe tardi, den careda di 3:30PM, polis a presenta na un cas den Arendstraat na Playa. Por a tuma nota di presencia di slachtofferhulp na sitio y indicacion cu persona aki lo tabata bibando den un estado bastante lamentabel.
Segun informacion, e persona aki lo tin hopi aña bibando riba nos isla y tabata eherce e trabou di carpinteria na e localidad aki situa un poco patras di e cas den Arendstraat. Tambe por a compronde cu e persona aki no tabata biba na e shop pero cu pa algun tempo esaki lo a bira su luga permantente di keda.
Locual cu sigur tabata notabel ta e persona aki tabata mustra bon condicion optimal di salud. Segun testigonan, e persona aki no tabata tin manera mas pa sobrevivi y lo tabata tin mester ayudo social.
Polis na sitio a controla pa papelnan di e persona aki y a bin constata cu e ta indocumenta. A transport’e pa Guarda nos Costa caminda lo sigui cu procedura corespondiente. Despues di algun rato a informa cu a laga e persona den liberdad y cu esaki a demostra cu compasion a vence.
