No por hunga contra Brasil y Barcelona: Luis Suárez ta positivo pa COVID-19

238

E delantero di Uruguay di Atletico di Madrid, Luis Suárez, a test positivo pa COVID-19. Esey ta nifica cu e no lo por hunga diamars contra Brasil den e eliminacion mundial y e siman aki contra Barcelona den Liga Spaño.

Segun e Asociacion di Uruguay di Futbol (AUF), apart di Suárez, Rodrigo Muñoz tambe a sali positivo y nan no por forma parti di lista di Oscar Washington Tabárez contra Brasil den e di cuater fecha di e eliminacion Sur Americano di Mundial di Catar 2022.

Texto y potret cortesia di EFE/Mauricio Dueñas Castañeda  

E hefe di prensa di e team, Matías Faral, tambe ta contagia. “E tres integrantenan menciona ta den bon estado di salud y a implementa e medidanan corespondiente di e casonan,” segun e comunicado. Cu e casonan aki positivo, Uruguay a yega di cuater caso despues cu diadomingo a informa di e contagio di Matías Viña.