Durante control rutinario, e unidad di Polisnan motorisa tabata basta activo riba caminda pa mantene nos trafico mas sigur. Den 2 luna cu controlnan activo Polis, a duna un total di 88 multa pa diferente infraccion cu chauffeurnan ta comete den trafico. Loke a resalta mas ta cu chauffeurnan ta sigui stuur nan vehiculo di motor cu celular den man.
Polisnan riba motorcycle a parti diferente multa pa entre otro:
- 80 multa na chauffeurnan cu a surpasa e velocidad maximo cu di 80km
- 12 multa na chauffeurnan cu no a haci uzo di un helm di core brommer of scooter
- 12 multa pa plachi di number no paga
- 29 multa pa chauffeurnan cu ta stuur na celular
- 2 multa pa chauffeurnan cu a pasa den luz cora
- 8 multa pa chauffeurnan cu ta stuur un vehiculo di motor sin rijbewijs
- 5 multa pa chauffeurnan cu ta core den verboden banda di Galloway
- 2 multa pa chauffeurnan cu no ta respeta borchi y regla di trafico na altura di Renaissance hotel
- 1 multa pa chauffeur cu no a duna preferencia
- 3 multa pa chauffeurnan cu tabata stuur un vehiculo cu luz di brake daña
- A detene 14 chauffeur na stuur y bou di influencia di alcohol
Unidad motorisa lo sigui controla y ta conseha tur chauffeur pa mantene nan mes na reglanan di trafico pa garantisa un trafico sigur pa nos tur.