Diadomingo atardi varios unidad di Polis a wordo manda den diferente crusada. E motibo ta pa desvia e trafico pa diferente direccion y asina kibra un parada ilegal. Polisnan a haya yamada di e parada cu lo a cuminsa den Playa y pasa via Noord pa djey coy e caminda direccion San Nicolas via Santa Cruz etc. Na Noord e prome unidadnan di Polis di Noord mes, Strand Politie y Playa pero despues tambe Santa Cruz a para na cierto crusada of rotondenan strategico pa asina desvia e trafico. Naturalmente esaki no a cay den bon tera pero ta un decision di Polis. Ora cu Polis a topa e cabez di e parada, a chek pa permiso y esaki nan no tabata tin. Asina Polis a confirma cu e parada ta ilegal. Varios trailer cu musica a wordo controla pa nan permiso y mester a stop tur sonido pa falta di permiso. Asina mes cierto area nan a topa otro bek y asina e parada a sigui parcialmente direccion San Nicolas. Cada candidato a sali cu su hendenan. Durante e recorido e polisnan a controla un grupo di AVP cu tabata campaña tambe y nan ekipo di sonido a wordo silencia. Dos quadracer den e grupo no por a sigui pa falta di documento. Nan mester a busca pickup pa bay cu e quadracernan. Diasabra si ta bon MEP a haya permiso pa parada y diadomingo prome cu eleccion AVP tin su parada. Diadomingo dia 24 di September e partido mas grandi lo mag core su parada di victoria.
