Relaciona cu e situacion di tempo, den cual ta sinti un calor inmenso riba nos isla, SKOA, hunto cu Inspector General di Enseñansa y cu permiso di Minister di Enseñansa a anuncia cu dialuna tur scol cu no tin airco, lo cera 11or di mainta, den bes di 1or di merdia. Den caso di scolnan unda tin algun klas cu airco y otronan sin airco, e decision a cay cu esunnan sin airco lo por bay cas trempan. Ta pidi mayornan pa tene cuenta cu e orario adapta di scol. Ya caba diabierna esaki tabata e caso. Ta calcula cu te diaranzon e problema di calor lo keda azota nos isla tambe. Pesey mes dialuna sigur e decision a cay cu scol sin airco lo caba 11or di mainta.
