Durante patruya polis na Turibana a topa un auto para mey mey di caminda cu dos stranhero indocumenta mal benta aden.
Diadomingo marduga e polisnan a topa cu e auto para mey mey caminda dilanti Panaderia Del Campo na Turibana. Ora polis a yega cerca a mira cu tin dos persona malbenta.
Polis a papia cu nan y a bin resulta cu ningun di dos ta local y no por a mustra ningun documento cu nan ta legalmente na Aruba. Polis a nota cu nan tabata bou influencia y e dama lo a pishi su paña. Polis a detene ambos pa sospecho di ta illegal na Aruba.
