Cuatro (4) candidata a competi pa e titulo di Reina Grandi di Aruba su Carnaval 65 y seis (6) candidata a competi pa Señora Carnaval 2019 diahuebs anochi.
Alegria y suspenso a domina e anochi unda cu tur hende tabata ansioso pa mira ken lo habri paradanan grandi.
Participantenan pa Reina Grandi a inclui: Daniella Pop di Champagne Carnival Group, Jeanissa Maduro di Empire Carnival Group, Kiziah Trimon di TOB y Jeanedy Semeleer di Oranjestad. Den categoria di Señora Carnaval a participa Rosalina Williams di EPB San Nicolas, Clarissa Arrindell di Empire, Ivia Camacho di Majestic Carnival Group, Roxana Effer Rodriguez di Infinity Carnival Group, Zaira Hernandez di Colegio San Antonio y Irma Hironimo di Champagne Carnival Group.
Aruba Bank a premia Señora Carnaval Clarissa Arrindell di Empire y Reina grandi di Carnaval 65 Jeanissa Maduro di Empire Carnival Group. Ambos a ricibi un bunita regalo for di e representante di Aruba Bank, Roxanne Croes. Aruba Bank ta felicita e organisadonan y e participantenan y ta invita Bo pa celebra un Experiencia Superior durante Carnaval 65. Nos ta Carnaval!
