Cuerpo Policial ta haci uso di un solo servicio di takelwagen awendia. NAGICO ta duna e servicio aki ora cu polis mester takel un auto pa un of otro motibo di trabou. Den pasado tabata tin dos compania.
Awe ta NAGICO so ta duna e servicio na polis. Ultimo tempo e servicio di NAGICO a bira pesimo na un di nan clientenan mas grandi. Diadomingo esaki a keda demostra un biaha mas despues di un accidente cu a sosode banda di Palm Beach den e zona turistico. Polis den e proceso di investigacion a haya necesario pa confisca un auto.
Esey kiermen a pidi pa e servicio di semper di NAGICO. Ora a caba di haci nan investigacion ainda e takelwagen di NAGICO no a yega na e sitio. Despues di un ora, e pasenshi di polis a cuminsa caba.
Djey a yega un ora y trinta minuut wardando riba takelwagen di NAGICO. Finalmente polis su pasenshi a caba y a bandona e sitio sin cu e takelwagen a yega. Den pasado polis mes tabata tin su propio servicio di takelwagen. E personal di garage tabata encarga. Hopi prome cu esey polis mes tabata stuur takelwagen y atende loke ta casonan di polis. Cu tempo a pasa e servicio den mannan priva cu tabata draai 24/7.
Awendia ta NAGICO so ta dunando e servicio y pesey mes polis no por pidi otro si NAGICO faya manera tabata e caso diadomingo. Bo ta stroba e unidad di polis sigui duna servicio na e comunidad dor di mal servicio di NAGICO su takelwagen. Pa bo tene un unidad en espera di takelwagen pa nobenta minuut largo ta algo increible. Pesey mes polis a move bay finalmente sin cu e takelwagen di NAGICO a yega pa brinda e servicio desea pa polis cu nan investigacion despues di un accidente.
