Diahuebs pasa di 8:30 pm, polisnan atento a para un auto riba e caminda di Noord, na altura di MFA door cu e chauffeur tabata core malo riba caminda.
Ora cu e agentenan a bay haci un control, a bin resulta cu e chauffeur tabata bou di influencia di alcohol, e no tabatin ni “letter” den su curpa.
Mesora a bay over na su detencion, pa ta core auto bou di influencia.
A transport’e pa Ward’i Polis na Shaba. E chauffeur en cuestion tabata asina bebi cu e no tabata por a ni cana bay paden. Te hasta slof e mester a kita y ten’e den su man p’e no trompica.
