Den area di Misa di San Francisco Polis a para un homber no mucho bon di cabes. Diasabra atardi algo pasa di 3:30 e tabata haci fastioso den e area, te cu algun hende fada pa su actitud a yama Polis pe.
E homber tabata cana ta bisa e tin arma den su saco di plastic. Polis a yega cu cautela pa atende cu e homber. Ta trata di un persona di edad grandi y cu no ta mucho bon di cabes. Polis a transporte un rato despues pa Warda di Playa.
